Detaje nga vrasja e 31 vjeçarit, sherri nisi brenda lokalit ‘Kobra City’! Të rinjtë nga Kukësi nuk pranuan të paguanin faturën prej 400 eurosh

Një ngjarje e rëndë ka ndodhur gjatë orëve të para të mëngjesit të sotëm në Prizren. Një shtetas shqiptar, Visar Cengu, mbeti i v rarë, ndërsa miku i tij Rotigan Shehu u plagos pasi një shtetas kosovar qëlloi me armë në drejtim të mjetit që të rinjtë nga Shqipëria po udhëtonin.

Dibran Hoxhaj, pronari i lokalit, “Kobra City” në Prizren, dyshohet se është autori i vrasjes së 31 vjeçarit dhe plagosjes së Shehut brenda lokalit.

Pas përplasjes fizike, konflikti është përshkallëzuar deri në përdorimin e armës. Ka qenë Dibran Hoxhaj i njohur ndryshe si “Cobra” ai i cili ka qëlluar me armë zjarri ndaj tre të rinjve nga Kukësi, duke plagosur njërin prej tyre dhe duke lënë të vdekur 31 vjeçarin.

Dibran Hoxhaj nuk është një emër i panjohur për drejtësinë pasi ka qenë i dënuar më parë për trafik droge dhe përleshje fizike jashtë lokalit të tij në Prizren.

Mësohet se trupi i viktimës, Visar Cengu është transportuar drejt morgut të Tiranës, ndërsa miku i tij, Rotigan Shehu, është dërguar drejt spitalit të Traumës, fatmirësisht është jashtë rrezikut për jetën.

Leave a Reply

Your email address will not be published. Required fields are marked *